မှတ်တမ်း

သန့်တည်ပွား သာသနာပြုအဖွဲ့သည် ရန်ကုန်တိုင်း မှာ်ဘီမြို့နယ်ရှိ သာသနာ့ဝန်ဆောင်ပရိတ္တိစာသင်တိုက်သို့ သွားရောက်ကာ နာယကဆရာတော် ဥူးစန္ဒာသိရီ ထံမှ သြဝါဒ ခံယူကာ လှူဒါန်းဖွယ်ရာများ ဆက်ကပ်လှူဒါန်းခဲ့ပါသည်။ သာသနာတော်အတွက် ရည်စူးပြုခဲ့သော ကုသိုလ် အဝဝတွေကို ၃၁ဘုံသား အားလုံးတို့အား ထပ်တူထပ်မျှရကြစေရန် ကိုယ်ရောစိတ်ပါ ဝမ်းမြောက်စွာဖြင့် အမျှပေးဝေလိုက်ပါ၏။ အမျှ အမျှ အမျှ ယူတော်မူကြပါကုန်လော။ သာဓု သာဓု သာဓု။ ၂၇ စက်တင်ဘာလ ၂၀၁၆ 27 /9/16 8:30 am Photo credit: U Ngwe Soe

ထေရဝါဒဗုဒ္ဓသာသနာတော်သန့်ရှင်းတည်တံ့ပြန့်ပွားရေးအဖွဲ့မှဦးဆောင်၍ မြိတ်မြို့ရှေးသိမ်ကျောင်း၌ ကျင်းပသော မြတ်ဗုဒ္ဓအလိုတော်ကျရှင်ပြုမင်္ဂလာပွဲနှင့် အဌမအကြိမ်မြောက်အဓိဋ္ဌာန်တရားစခန်းပွဲ မှတ်တမ်း။

ယောဂီ မိဘဆွေမျိုးများ အားလုံး မင်္ဂလာပါ။ ထေရဝါဒ ဗုဒ္ဓသာသနာတော် သန့်ရှင်း တည်တံ့ ပြန့်ပွားရေးအဖွဲ့ (သန့်တည်ပွား) သည် မကွေးတိုင်းဒေသကြီး နတ်မောက်မြို့ ဆင်သေကန်ရွာမှ ယောဂီများ၏ ဖိတ်ကြားမှုဖြင့် မတ် ၂၂ မှ စတင်၍ ဆင်သေကန်ရွာရှိ ရွာဦးမီးလမ်း ကျောင်းတိုက်တွင် လူငယ်များအတွက် ယဉ်ကျေးလိမ္မာ သင်တန်း၊ ဒေသခံများအတွက် အဓိဌာန်တရားစခန်းနှင့် တရားဆွေးနွေးပွဲများကို ကျင်းပကာ သာသနာပြုလုပ်ငန်းများကို ဆောင်ရွက်နေပါသည်။