ကျွန်တော်နှင့် မင်္ဂလာပါ

မြန်မာပြည်မှာ တစ်ဦးနှင့်တစ်ဦး တွေ ့ကြတဲ့အခါ မင်္ဂလာပါ လို ့နှုတ်ဆက်ကြလေ့ရှိပါတယ်။ နိုင်ငံခြားသားတွေတောင် မြန်မာပြည်လာရင် မင်္ဂလာပါ နဲ ့ကျေးဇူးတင်ပါတယ် ၂ ခွန်းလောက်တော့ ပြောတက်ကြတာ တွေ ့ရပါတယ်။ အခြားနိုင်ငံတွေမှာလည်း မင်္ဂလာပါ လို ့သဘောသက်ရောက်တဲ့ သူတို ့ကိုယ်ပိုင်ဘာသာစကားနဲ ့နှုတ်ဆက်လေ့ရှိပါတယ်။ ထိုင်းမှာဆို ဖုန်းလာတာနဲ ့ဆာဝါဒီခပ် လို ့ပြောကြတယ်။ တစ်ယောက်နဲ ့တစ်ယောက် စတွေ ့ပြီဆိုရင်လည်း ဆာဝါဒီခပ် ပေါ့။ ကိုရီးယားဆိုရင်ရော… အာညားဆော်ရိုး လို ့နှုတ်ဆက်ကြတယ်။ ဒီတော့ မင်္ဂလာပါဆိုတာ ဘာလဲဆိုတာ ကို သိသင့်တယ်လို ့ထင်မိပါတယ်။

ကျွန်တော် ရ တန်းလောက်တုန်းကတော့ ကျောင်းအုပ်ဆရာကြီးတစ်ယောက် ပြောပြခဲ့ဖူးတာမှတ်မိပါတယ်။ သူစာသင်ခန်းထဲကိုဝင်လာတော့ တစ်တန်းလုံးထပြီး မင်္ဂလာပါဆရာကြီးလို ့နှုတ်ဆက်ကြတော့ ဆရာကြီးက အေးအေး မင်္ဂလာပါကွယ် ၊ ထိုင်ကြ ၊ ဒါနဲ ့မင်းတို ့မင်္ဂလာပါဆိုတာ ဘာလဲ သိလားလို ့မေးတယ်။ ဘယ်သူမှမသိကြပါဘူး။ သူက အဲဒီမှာ ပြောခဲ့တာက မင်္ဂလာပါဆိုတာ ကောင်းခြင်းဟူသမျှ ပြည့်ပါစေလို ့ပြောတာ ဆိုပြီး ရှင်းပြပေးခဲ့တယ်။ အဲဒီကတည်းက မင်္ဂလာပါ ဆိုတာ ကို စသိခဲ့ပါတယ်။ ကိုယ်တိုင်ကျတော့ စာသင်ခန်းထဲမှာ ဆရာ ဆရာမတွေကို နှုတ်ဆက်တဲ့အချိန်လောက်မှသာ ပြောလေ့ရှိပြီး ကျန်အချိန်တွေမှာတော့ လုံးဝမပြောမိသလောက်ပါပဲ။

အဲလိုနဲ ့တက္ကသိုလ် တက်တဲ့အချိန်ရောက်လာတော့ တစ်ချို ့ဆရာတွေကို မင်္ဂလာပါလို ့နှုတ်ဆက်ကြတယ်။ တစ်ချို ့ကျပြန်တော့လည်း အင်္ဂလိပ်လို Greeting လုပ်ကြတယ်။ အဲမှာ ဘာကို စတင်သတိထားမိလာလဲဆိုတော့ Presentation တွေလုပ်ရတော့မယ် ၊ လူရှေ ့ထွက်စကားပြောရတော့မယ်ဆိုရင်လည်း မင်္ဂလာပါ ဆိုတာကို ပထမဦးဆုံးစာကြောင်းအနေနဲ ့ထည့်ကြတာပါပဲ။ နောက်ပြီး ကိုယ့်မိသားစု ၊ သူငယ်ချင်း ၊ ဆွေမျိုးများနှင့် ပတ်ဝန်းကျင်တွေမှာ တစ်ဦးနှင့်တစ်ဦး တွေတဲ့အခါ ဘယ်လိုနှုတ်ဆက်နေကြသလဲဆိုတာကိုပါ သတိထားမိလာတယ်။ အများဆုံးပြောကြတာကတော့ ဘယ်သွားမလို ့လဲ ၊ သွားတော့မလား ၊ ပြန်လာပြီလား ၊ ၀တယ်နော် ၊ နေကောင်းလား ၊ စတာတွေ ပါပဲ။ ဖုန်းဆက်တဲ့ခါဆိုရင်လည်း ဟုတ်ကဲ့ ၊ ဟလို ၊ အမိန် ့ရှိပါ ၊ ရင်းနှီးတဲ့သူတွေကိုကျတော့လည်း မင်းဘယ်ရောက်နေလဲ ၊အေး.. ပြော၊ ပြော.. သူငယ်ချင်း ၊ ဟုတ်တဲ့.. ပြောပါ ၊ စတာတွေပဲ သုံးဖြစ်ကြတာများပါတယ်။ နိုင်ငံခြားဇတ်လမ်းတွဲတွေမှာတောင် လူချင်းတွေ ့တဲ့ခါ ဖုန်းဖြေတဲ့အခါ မင်္ဂလာပါလို ့သဘောသက်ရောက်တာတွေကို လှိုင်လှိုင်သုံးနေကြတာတွေကို တွေ ့နေမြင်နေကြပါလျှက်နဲ ့ကျွန်တော်သိတဲ့ဝန်းကျင်မှာ ဘာလို ့သုံးတာမတွေ ့မမြင်ရသလဲလို ့တော့ စဉ်းစားခဲ့ဖူးတယ်။

အဲဒီနောက်ပိုင်း တက္ကသိုလ်ပြီးခါစမှာ ရန်ကုန်မြိ ု့ပြည်လမ်း ၆ မိုင်ခွဲနားမှာ ရှိတဲ့ မြင့်မြတ်အလင်း အကယ်ဒမီ ( Noble Light Academy ) ဆိုတဲ့နေရာကိုရောက်တော့ အဲဒီမှာ မင်္ဂလာပါဆိုတာကို ဗီနိုင်းအကြီးကြီးချိတ်ထားသလို အဲဒိအဝန်းအဝိုင်းထဲက သူတွေဟာ ကိုယ့်ကိုစတွေ ့တာနဲ ့မင်္ဂလာပါလို ့နှုတ်ဆက်တယ်။ ရိုးရိုးပြောပြီးနှုတ်ဆက်တာတောင်မဟုတ်ဘူး ကိုယ်လေးပါညွတ်ပြီး လက်အုပ်လေးချီလို ့နှုတ်ဆက်တာ။ နဲနဲတော့ ထူးဆန်းတယ်ထင်မိပေမယ့် ကိုယ်ကို လာနှုတ်ဆက်တော့ ကိုယ်ကလည်း ပြန်ပြီး သူ ့လို လက်အုပ်ချီ ကိုယ်ကို ညွတ်ပြီ မင်္ဂလာပါလို ့ပြန်နှူတ်ဆက်ဖြစ်ခဲ့တယ်။ အဲနောက်ပိုင်းမြင့်မြတ်အလင်းရိပ်သာဆိုပြီး သန် ့တည် ပွား အဖွဲ ့က ရန်ကုန်မြိ ု ့လှည်းကူး ငါးဆူတောင်မှာ ရိပ်သာဖွင့်ပြီးနောက်ပိုင်း ကိုယ့်မိဘ ကို သွားတွေ ့ရင်း ၊ အခမဲ့ကျန်းမာရေးစောင့်ရှောက်မှု သွားလုပ်ရင်း ၊ ရံဖန်ရံခါ တရားစခန်းဝင်ဖြစ်ရင်းနဲ ့မင်္ဂလာပါဆိုတာကို ပိုမိုနားလည်လာပါတော့တယ်။

မင်္ဂလာပါဆိုသည်မှာ ၃၈ ဖြာသော လောကိ လောကုပ် မိမိ အများကောင်းခြင်းဟူသမျှ ပြည့်စုံအောင် ကြိ ုးစားကြရအောင် ၊ကျွန်တော်တို ့လည်း ကြိ ုးစားမယ်၊ အသင်တို ့အားလုံးလည်း ကြိ ုးစားနော်လို ့အပြန်အလှန်တိုက်တွန်းခြင်းဖြစ်ပါတယ် ” ။

နောက် လက်အုပ်ချီပြီး ကိုယ်ကို ညွတ်ပြောတာ ရှိခိုးတာမဟုတ်ဘူး ၊ တစ်ဦးနဲ ့တစ်ဦး ဂါ၀ရ ထားပြီး ပြောတဲ့သဘောဆိုတာလည်း နားလည်ခဲ့ပါတယ်။ ဒီလိုနဲ ့ရိပ်သာရောက်ဖြစ်တဲ့အခါ တစ်ဦးနဲ ့တစ်ဦးတွေ ့တဲ့အခါ ဖုန်းပြောဖြစ်တဲ့အခါ မင်္ဂလာပါဆိုတာကို များများအသုံးပြ ုလာပါတယ်။ အစကနဦးမှာတော့ ပြီးပြီးရော ပြောလိုက်သလိုမျိုး နှုတ်ကျိုးနေသလိုမျိုးဖြစ်နေပေမယ့် နောက်ပိုင်း သတိကပ်မိတဲ့အခါ ကိုယ့်စိတ်ကိုလည်း တစ်ဖက်သားအပေါ် ဂါ၀ရ ထားတဲ့စိတ် လေးစားတဲ့စိတ် တိုက်တွန်းတဲ့စိတ်နဲ ့၃၈ ဖြစ်မင်္ဂလာအပေါင်းနဲ ့ပြည့်စုံအောင် ကြိ ုးစားပါ။ ငါလည်းကြိ ုးစားမယ်ဆိုပြီး သူများကိုလည်း remind လုပ်တဲ့စေတနာပါ ပါလာသလို ကိုယ့်ကိုယ်ကိုလည်း နှုတ်ဆက်တိုင်းမှာ ငါလည်း ၃၈ ဖြာမင်္ဂလာနဲ ့ပြည့်အောင်ကြိ ုးစားရမယ်လို ့သတိချပ် မိသလို ကောင်းမွန်တဲ့ဘက်ကိုဦးတည်ဖို ့တွန်းအားပေးသဘောမျိုးပါဖြစ်စေပါတယ်။

မင်္ဂလာပါဆိုတာ စကားလုံးလေ ၄ လုံးထဲရယ်ပါ။ ဒါပေမယ့် Ice Berg လို ့တင်စားရမလားပါ။ အနက်သဘောတွေ အများကြီးဆောင်နေပါတယ်။

ဒီနေရာမှာ ၃၈ ဖြာမင်္ဂလာ ဆိုတာကို ပါ ပြောပြချင်ပါတယ်။ ၃၈ ဖြာမင်္ဂလာဆိုတာ လူတော်တော်များများကြားဖူးသိဖူးပြီးဖြစ်မှာပါ။ ငယ်ငယ်ကတည်းကလည်း ပုံပြင်တွေ ရာဇဝင်တွေနဲ ့စာရေးဆရာကြီးများရေးသားထားတာတွေကိုလည်း မှတ်သားဖတ်ဖူးတဲ့သူတွေများပါတယ်။ ဆရာတော်ကြီးများလည်း ၃၈ ဖြာမင်္ဂလာဆိုပြီးဟောကြားထားတာလည်း အမြောက်အများရှိပါတယ်။ တစ်ခုရှိတာက ဒီ၃၈ဖြာမင်္ဂလာဆိုတာ သိရုံနဲ ့မပြီးပါဘူး။ ကိုယ်တိုင်လည်း ကျင့်သုံးနိုင်မှသာလျှင် ဘုရားအဆုံးအမကို ဖေါ်ဆောင်ရာ ကျင်သုံးရာ ရောက်ပါတယ်။ ကျွန်တော်တို ့မိသားစု မှာ ငယ်စဉ်ကတည်းက ဒီ ၃၈ ဖြာမင်္ဂလာဆိုတာ ကို မိမိတို ့မှာ ဘယ်နှချက် နဲ ့ကိုက်သလဲဆိုပြီး ပြန်ချိန်ထိုးကြည့်ဖူးပါတယ်။ မြန်မာလို အဓိပါယ်တွေကို မှတ်သားလို ့လွယ်အောင် စာလုံးအတိုများနှင့် ပူဇော်ပေးပါ့မယ်။

မိုက် ရှိ ပူ ၊ ရပ် ရှေး နှစ် ၊ ကြား လက် ကျင့် ချို ၊ မိ သား ရှုပ် ၊ ဒါ သု မျိုး ပြစ် ၊စိတ် ကိုယ် မူး မေ့ ၊ ဂုဏ် မာန် ရဲ ကျေး နာ ၊ ခံ ဆုံး ဖူး နွေး ၊ ကိ မေ ၊ သစ် နိပ် ၊ လော စိုး ရာ ဘေး ။

ရွတ်ပါများလာရင် နှုတ်စွဲလာပြီး အလွတ်ရလာပါလိမ့်မယ်။ အတိုကို အလွတ်ရပြိဆိုရင်တော့ အရှည်ကို အစားထိုးဖို ့လွယ်သွားပါပြီ ။ ဒီတော့ အတိုရတာနဲ ့၃၈ ဖြာမင်္ဂလာ တွေကို အရှည်လည်း မြန်မာလို ရသွားတဲ့သဘောပါပဲ။ ၃၈ ဖြာမင်္ဂလာတွေကို အလုံးစုံ ကိုယ်သိနေပြီဆိုရင် လိုက်နာ ကျင့်သုံးဖို ့လည်း အဆင်ပြေသလို တစ်ပါးသူတွေကိုလည်း လိုက်နာကျင်သုံးစေရန် အားပေးလို ့လည်း ရနို်င်ပါတယ်။

အတိုတစ်ခုချင်းဆီရဲ ့အဓိပါယ်တွေကို အရှည်အစားထိုးရင်း ဒီ Post ကို နိဂုံးချုပ်ချင်ပါတယ်။

• မိုက် = လူမိုက်ကိုမပေါင်းရ
• ရှိ = ပညာရှိကိုပေါင်းခြင်း
• ပူ = ပူဇော်ထိုက်သူကိုပူဇော်ခြင်း

• ရပ် = အရပ်ကောင်းမှာနေခြင်း
• ရှေး = ရှေးဘဝကကုသိုလ်ရှိခြင်း
• နှစ် = ကိုယ်စိတ်နှစ်ပါကောင်းစွာထားခြင်း

• ကြား = အကြားအမြင်ဗဟုသုတများခြင်း
• လက် = အပြစ်ကင်းသောလက်မှုပညာတက်ခြင်း
• ကျင့် = ကျင့်ဝတ် ၀ိနည်းသင်ခြင်း
• ချို = ချိုသာသောစကားပြောခြင်း

• မိ = အမိအဖကိုလုပ်ကျွေးခြင်း
• သား = သားသမီးဇနီးကိုထောက်ပံ့ခြင်း
• ရှုပ် = ရှုပ်ထွေးခြင်းကင်းသောအလုပ်ကိုလုပ်ခြင်း

• ဒါ = ဒါနပြ ုခြင်း ၊ စွန် ့လွတ်ခြင်း
• သု = သုစရိုက်ကိုကျင့်ခြင်း
• မျိုး = ဆွေမျိုးများအားထောက်ပံ့ခြင်း
• ပြစ် = အပြစ်မရှိအလုပ်လုပ်ခြင်း

• စိတ် = မကောင်းမှုကိုစိတ်ဖြင့်ရှောင်ကြဉ်ခြင်း
• ကိုယ် = မကောင်းမှုကို ကိုယ်ဖြင့်ရှောင်ကြဉ်ခြင်း
• မူး = မူးယစ်စိတ်ကိုပြောင်းလဲစေနိုင်သောပစ္စည်းမသုံးခြင်း
• မေ့ = သုစရိုက်ကိုမမေ့ခြင်း

• ဂုဏ် = ဂုဏ်ကြီးသူကိုရိုသေခြင်း
• မာန် = မာန်မာနကို နှိပ့်ချခြင်း
• ရဲ = ရောင့်ရဲလွယ်ခြင်း
• ကျေး= ရှေးကသူ ့ကျေးဇူးကိုအထူးသိမြင်ခြင်း
• နာ = တရားနာခြင်း

• ခံ = သည်းခံခြင်း
• ဆုံး = ဆုံးမခံယူလွယ်ခြင်း
• ဖူး = ရဟန်းအစစ်ကိုဖူးမြင်ရခြင်း
• နွေး = တရားဓမ္မဆွေးနွေးခြင်း

• ကိ = ကိလေသာကင်းသောအကျင့်ကျင့်ခြင်း
• မေ = မေထုန်ရှောင်သောအကျင့်ကျင့်ခြင်း
• သစ် = သစ္စာလေးပါတရားကို သိမြင်ခြင်း
• နိပ် = အရဟတ္တဖိုလ် ကိုမျက်မှောက်ပြ ုခြင်း( နိဗာန် )

• လော = လောကဓံနှင့်ကြံ ုသော်မတုန်လှုပ်ခြင်း
• စိုး = စိုးရိမ်ပူဆွေးငိုကြွေးမှုမရှိခြင်း
• ရာ = ရာဂ ဒေါသ မောဟ အညစ်အကြေးများမရှိခြင်း
• ဘေး = ကြောက်လန် ့ဖွယ်ရေး ဘေးမရှိခြင်း

ဒါ့ကြောင့် တစ်ဦးနှင့်တစ်ဦးတွေ ့တိုင်း ” မင်္ဂလာပါ ” လို ့နှုတ်ဆက်ခြင်းဖြင့် ၃၈ ဖြာသော မင်္ဂလာတရားတော်များအား မိမိကိုယ်တိုင်လည်း ပြည့်အောင်ကြိ ုးစားကြပါ ၊ တစ်ပါးသောသူများအားလည်း ကြိ ုးစားဖို ့တိုက်တွန်းပေးကြပါလို ့… ။
အားလုံးပဲ မင်္ဂလာပါနော်။
ဒေါက်တာအောင်သူငြိမ်း
Ref : ဆရာဦးမြင့်လွင် ( သန် ့တည် ပွား ) စာစဉ်။