သံဃာ ရတနာကို စတင်ခဲ့သူ ရတ္တညူ ဧတဒဂ်ဘွဲ့ထူး ရ အရှင် ကောဏ္ဍညမထေရ်မြတ်၏ ထေရုပတ္တိ

အရှင်အညာသိကောဏ္ဍညဟာ ဘုရားလောင်း ဖွားတော်မမူမီ ကပ္ပိလဝတ် နေပြည်တော်အနီး “ဒေါဏဝတ္ထု ” မည်တဲ့ ပုဏ္ဏားရွာ၊ ဗြဟ္မဏမဟာသာလ အမျိုးမှာ မွေးဖွား ခဲ့ပြီး မိသားစုအဆက်အနွယ်နဲ့ နာမည်အတိုင်း “ကောဏ္ဍည” လို့ ထင်ရှားခဲ့ပါတယ်။ ငယ်နာမည် ရင်းက “ယည” ဖြစ်ပါတယ်။

ကောဏ္ဍညလုလင်ဟာ ကြီးပြင်းလာတဲ့အခါ ဗေဒင်သုံးပုံကို အကုန်အစင် သင်ကြားပြီး မဟာပုရိသ လက္ခဏာတော် ကျမ်းလို့ခေါ်တဲ့ ယောက်ျားကောင်း ယောက်ျားမြတ်တို့ရဲ့ ကြန်အင် လက္ခဏာနဲ့ အကျိုးအပြစ်တို့ကို ဟောကြားတတ်တဲ့ ပညာမှာ တစ်ဖက်ကမ်းရောက် တတ်မြောက်လာပါတယ်။ အဲဒီအတတ်ပညာရဲ့ ကျေးဇူးကြောင့်ပဲ အလောင်းတော် သိဒတ္ထ မင်းသားကလေးရဲ့ နာမည်မှည့် ကင်ပွန်းတပ် မင်္ဂလာပွဲမှာ ဗေဒင်သုံးပုံတတ် ပုဏ္ဏား အကျော်အမော် ၁၀၈-ဦးထဲက လက်ရွှေးစဉ်ပုဏ္ဏား ၈-ဦးကို ဆန်ခါတင်ရွှေးချယ်တဲ့အခါ ကောဏ္ဍည လုလင်ဟာ အသက်အငယ်ဆုံး ပုဏ္ဏားတော်တစ်ဦးအနေနဲ့ ပါဝင်ခွင့်ရပြီး၊ တခြား ပုဏ္ဏားတွေလို လက် ၂- ချောင်းထောင်ကာ “လူအဖြစ်နဲ့နေရင် စကြာဝတေးမင်း၊ ရဟန်းအဖြစ်နဲ့နေရင် ဘုရား ဖြစ်လိမ့်မယ်” လို့ နှစ်မျိုး မဟောဘဲ၊ လက်ညှိုး တစ်ချောင်းထဲထောင်ကာ “ဧကန်စင်စစ် ဘုရား ဖြစ်လိမ့်မယ်” လို့ နှစ်မျိုး မဟောဘဲ၊ ထူးချွန်ရဲဝင့်စွာ ဟောကြားနိုင်သူ ဖြစ်လာခဲ့ပါတယ်။

နောင်တစ်ချိန် သက်တော် ၂၉-နှစ်အရွယ် အလောင်းတော် သိဒတ္ထမင်းသားဟာ တောထွက် တော်မူပြီး၊ အနောမာသောင်ကမ်းမှာ ရဟန်းပြုသွားတဲ့အခါ (မိမိနဲ့အတူ လက္ခဏာ ဖတ်ဖော် ဖတ်ဖက် ပုဏ္ဏား(၇)ဦး ကွယ်လွန်သွားလို့ တစ်ဦးတည်းကျန်ခဲ့တဲ့ ကောဏ္ဍည ပုဏ္ဏားကြီးဟာ ရဟန်းပြုနိုင်တဲ့ တခြားပုဏ္ဏားကြီးတွေရဲ့သား၎ဦးနဲ့အတူ သိဒတ္ထမင်းသားရဲ့ ဘုရားအဖြစ်ကို ရည်မှန်းပြီး ရဟန်းပြုခဲ့ကြပါတယ်။ ကောဏ္ဍညပုဏ္ဏားကြီး အပါအဝင် သူတို့ငါးဦး အုပ်စုဟာ “ပဉ္စဝဂ္ဂီ“အဖြစ် နောင်အခါ ထင်ရှားလာခဲ့ပါတယ်။ ၆နှစ်ပတ်လုံး ဒုက္ကရ စရိယာကျင့်တော်မူခဲ့တဲ့ ဘုရားအလောင်းတော်ကို ဝတ်ကြီးဝတ်ငယ် ပြုစုလုပ်ကျွေးခဲ့ကြပါ တယ်။

အလောင်းတော်ဟာ မဟာသက္ကရာဇ် ၁၀၃ခုနှစ်၊ ကဆုန်လပြည့်နေ့မှာ ဘုရားအဖြစ် ရောက်ရှိတော်မူပြီး၊ ဝါဆိုလပြည့်နေ့မှာ ပဉ္စဝဂ္ဂီတို့ကို တရားဦး ဟောတော်မူခဲ့ပါတယ်။ အဲဒီတရားပွဲမှာ ဘုရားရှင်ရဲ့ ဓမ္မစကြာတရားကို နာရပြီး၊ အရှင်ကောဏ္ဍညဟာ ဗြဟ္မာပေါင်း ၁၈-ကုဋေနဲ့ အတူ လူသားတွေထဲက အဦးဆုံး သစ္စာလေးပါးကို ထိုးထွင်းသိမြင်သူ ဖြစ်တာမို့ “အညာသိ ဝတ ဘောကောဏ္ဍညော = အို အချင်းတို့ ကောဏ္ဍညတော့ သစ္စာတရားကို သိသွားပြီ”လို့ ဘုရားရှင် ကိုယ်တော်တိုင်က ဥဒါန်းကျူးရင့်တော်မူခဲ့ပါတယ်။ အဲဒါကို အကြောင်းပြုပြီး အရှင်ကောဏ္ဍညဟာ “အညာသိ ကောဏ္ဍည“လို့ သမိုင်းတွင်ကာ ထင်ရှားတော်မူလာခဲ့တာပါ။

အရှင်ကောဏ္ဍညဟာ မဟာသက္ကရာဇ် ၁၀၃-ခုနှစ်၊ ဝါဆိုလပြည့်ကျော် ၅-ရက်နေ့ မြတ်စွာဘုရား ဟောကြားတော်မူတဲ့ အနတ္တလက္ခဏသုတ္တန် ဒေသနာတော်အဆုံးမှာ ရဟန္တာအဖြစ် ရောက်တော် မူခဲ့တာပါ။ ရဟန္တာဖြစ်တော်မူပြီးတဲ့နောက် ၁-နှစ်ခန့်အကြာ လောက်မှာ အရှင်အညာသိ ကောဏ္ဍညဟာ ရှင်တော်ဘုရားရဲ့ ရှေ့တော်မှောက်ကနေ ကွယ်ပျောက် သွားတော်မူခဲ့ပြီး ၁၂- နှစ်ကြာမှ ရှင်တော်ဘုရားရဲ့ရှေ့တော်မှောက်မှာ တစ်ဖန် ပြန်လည် ရောက်ရှိလာခဲ့ပါတယ်။ ၁၂-နှစ်လုံး ကွယ်ပျောက်တော်မူနေခြင်းရဲ့ အကြောင်း ဖြစ်ရပ် ကို လေ့လာကြည့်မှ အရှင်အညာသိ ကောဏ္ဍညရဲ့ မြင့်မြတ်လှပပြီး ချစ်ခင်ကြည်ညို ဖွယ်ရာ ကောင်းတဲ့ သူတော်ကောင်းပီသမှုကို ကြည်နူးစွာ ဖူးတွေ့ရပါတယ်။

အရှင်အညာသိကောဏ္ဍညမှာ

(က) သူတစ်ပါးကို ညှာတာထောက်ထားတတ်တဲ့

(ခ) လောကုတ္တရာ တရားကိုမြတ်နိုးခုံမင်တတ်တဲ့

(ဂ) သူတစ်ထူးရဲ့ ကျေးဇူးကို ပေးဆပ်တတ်တဲ့ နှလုံးသား ရှိတော်မူပါတယ်။ အဲဒီအကြောင်းကို အနည်းငယ်ချဲ့ထွင် ပြောပြချင်ပါတယ်။

ရှင်တော်ဘုရားရဲ့ သာသနာတော်မှာ အဂ္ဂသာဝက၊ မဟာသာဝက၊ ပကတိသာဝက ရဟန်းသံဃာတော်တွေ စုံညီစွာ ဖြစ်ပေါ်လာတဲ့အခါ ဆွမ်းခံချိန်မှာ သာဝကအားလုံး ဝါစဉ်အတိုင်း ဘုရားရှင်ရဲ့နောက်တော်ပါးက ကြီးစဉ်ငယ်လိုက် ဆွမ်းခံကြွတော်မူကြရပါတယ်။ မြတ်စွာဘုရား တရားဟောကြားတော်မူတဲ့အခါမှာတော့ သံဃာစဉ်ရဲ့အလယ်ဗဟို တန်းဆာ ဆင်ထားတဲ့ ဗုဒ္ဓါသန ဓမ္မပလ္လင်တော်မှာ ဘုရားရှင် ထိုင်တော်မူပြီး ရှင်တော်ဘုရားရဲ့ လက်ျာနံပါး မှာ ဓမ္မသေနာပတိ = အရှင်သာရိပုတ္တရာ၊ လက်ဝဲနံပါးမှာ ဓမ္မပုရောဟိတ = အရှင်မဟာမောဂ္ဂလာန် တို့ ထိုင်တော်မူကြရပါတယ်။ အဲဒီ အဂ္ဂသာဝကမထေရ် ၂ – ပါးရဲ့ နောက်ကျောဘက်မှာ အရှင်အညာသိ ကောဏ္ဍညအတွက် နေရာခင်ထားပြီး၊ ကျန်ရဟန်း တော်တွေ အားလုံးဟာ အရှင် ကောဏ္ဍညကို ဘယ်ညာဝန်းရံကာ ထိုင်တော်မူကြရပါတယ်။

အဂ္ဂသာဝကနှစ်ပါးဖြစ်တဲ့ အရှင်သာရိပုတ္တရာနဲ့ အရှင်မဟာမောဂ္ဂလာန်တို့ဟာ အရှင် အညာသိ ကောဏ္ဍညမထေရ်မြတ်က သာသနာတော်မှာ အဦးအစ သစ္စာလေးပါးတရား သိသူ ဖြစ်တော်မူတာကြောင့်ရယ်၊ အရွယ်တော်အားဖြင့်လည်း၊ မိမိတို့ထက် ကြီးသူဖြစ်တာကြောင့်ပါ အရှင်အညာသိကောဏ္ဍည မထေရ်ကို လွန်စွာမြတ်နိုး တန်ဖိုးထားကြတာမို့ မိမိတို့က ရှေ့ဆုံး နေရာဦးမှာ နေထိုင်ကြရပေမယ့် ချစ်ကြောက်ရိုသေဖြစ်ကာ မရဲမဝံ့ရှိတော်မူကြသလို၊ ရှက်နိုး အားနာတော် မူကြပါတယ်။ ဒီလိုအခြေအနေကို ရိပ်စားသိရှိတော်မူတဲ့ အရှင်အညာသိ ကောဏ္ဍညဟာ “ဒီအဂ္ဂသာဝက ၂-ပါးတို့ဟာ ဒီလိုနေရာဦးကို ရဖို့အတွက် တစ်အသင်္ချေနဲ့ ကမ္ဘာတစ်သိန်းကြာအောင် ပါရမီတွေကို ဖြည့်ဆည်းခဲ့ရတာ။ ယခုအခါနေရာဦးမှာ ထိုင်နေကြ ရပေမယ့် မရဲမဝံ့ရှိတော်မူကာ ငါ့ကို ရှက်နိုး အားနာနေတော်မူကြတယ်။ အဂ္ဂသာဝကနှစ်ပါး ချမ်းသာစွာနေနိုင်ဖို့ ငါတခြားနေရာကို သွားမယ်”လို့ ဆုံးဖြတ်တော်မူခဲ့ပါတယ်။ ဒါဟာ ယဉ်ကျေး ပျူငှာတဲ့ နှလုံးသားတစ်ခုရဲ့ လှပတဲ့ ငဲ့ကွက်မှုတစ်ခု ဖြစ်ပါတယ်။

အရှင်ကောဏ္ဍညဟာ ဘုန်းကံကြီးမားတဲ့ မဟာသာဝကကြီးတစ်ပါး ဖြစ်တော်မူပါတယ်။ မထေရ်မြတ်ရဲ့ ဂုဏ်ကျေးဇူး သတင်းကောင်းတွေက ဒီစကြာဝဠာမှာသာမက တခြားသော စကြာဝဠာ တစ်သောင်းမှာရှိတဲ့ နတ်ဗြဟ္မာအပေါင်းတွေအထိ ပျံ့နှံ့မွှေးကြိုင်တော်မူပါတယ်။ ဒါကြောင့်မို့ နတ်လူတွေဟာ ရှင်တော်ဘုရားထံ သွားရောက်ပြီး ပန်း၊နံ့သာ စတာတွေနဲ့ လေးမြတ် ကော်ရော် ပူဇော်ပြီးတဲ့အခါ “မထေရ်မြတ်ကြီးဟာ လူလောကမှာ သစ္စာလေးပါး တရားထူးကို လက်ဦးအစ သိမြင်တော်မူသော မဟာသာဝကကြီး ဖြစ်တော်မူပါပေတယ်” လို့ အရှင်ကောဏ္ဍည မထေရ်မြတ်ထံ ဆည်းကပ်ပြီး တစ်ဖန် ပူဇော်တတ်ကြပြန်ပါတယ်။

မိမိရဲ့ အနီးထံမှောက် လာရောက်ကြသူတွေကို သင့်လျော်လျောက်ပတ်တဲ့ တရားစကား ဟောကြားမူ၊ ပဋိသန္ဓာရ နူတ်ဆက်စကား ပြောဆိုရမှုဆိုတာ သာသနာတော်ရဲ့ ယဉ်ကျေးမူ ထုံးစံတစ်ခု ဖြစ်ပါတယ်။ ဒီဓလေ့ ထုံးစံနဲ့ မိမိရဲ့ ဖလသမာပတ်နဲ့ ချမ်းသာစွာနေထိုင်ရမှု (အရိယဝိဟာရ)တို့ ပလိဗောဓ၊ ဝိရောဓိဖြစ်လာတဲ့အခါ အရှင်ကောဏ္ဍည မထေရ်မြတ်ဟာ လူသူပရိသတ်တို့ဝေးရာ ဟိမဝန္တာကို ထွက်ခွာကြွချီတော်မူခဲ့ပါတယ်။ ဘုန်းကြီး လာဘ်များ၊ နာမည်ကျော်ကြား မှုဆိုတဲ့ လာဘသက္ကာရ သိလောက လောကီ အဆိပ်အတောက်များဟာ ရဟန္တာအရှင်မြတ်ကိုတောင် အနှောက်အယှက် ဖြစ်စေနိုင်ပါတယ်။

လောကီမှုတွေကို ငြီးငွေ့တော်မူပြီး လောကုတ္တရာ ဖလသမာပတ် ဝင်စားခြင်းကိုသာ အလေး ဂရုပြုတော်မူတဲ့ အရှင်ကောဏ္ဍညဟာ ရှင်တော်ဘုရားထံ ခွင့်ပန်တော်မူကာ ဟိမဝန္တာ တောအုပ်အတွင်း ဆဒ္ဒန်အိုင်အနီးမှာရှိတဲ့ မဏ္ဍာကိနီ ရေကန်ဆိပ်ကမ်းကို ကြွလှမ်း တော်မူခဲ့ ပါတယ်။ အဲဒီဆဒ္ဒန်အိုင်မှာပဲ ရှေးအခါက ပစ္စေကဗုဒ္ဓါ အရှင်မြတ်တွေကိုပြုစု လုပ်ကျွေးမူနဲ့ အလေ့အကျင့် ရှိပြီးသား သက်တမ်းရှည် ဆင်လိမ္မာ ရှစ်ထောင်တို့ရဲ့ အလှည့်ကျ လုပ်ကျွေးမှုကို ခံယူပြီး အရှင်ကောဏ္ဍညဟာ ၁၂-နှစ်ပတ်လုံး ဖလသမာပတ် ဝင်စားကာ ချမ်းသာစွာ သီတင်း သုံး နေတော်မူပါတယ်။

အာယုသင်္ခါရ ကုန်ဆုံးလို့ ပရိနိဗ္ဗာန် ဝင်စံခါနီးအချိန်မှာ ရှင်တော်ဘုရားထံ နောက်ဆုံး အဖူးအမြော်ရောက်ခဲ့ပြီး ၁၂- နှစ်ပတ်လုံး တရိုတသေ ပြုစုလုပ်ကျွေးခဲ့သော ဆင်အပေါင်းတို့ရဲ့ ပြုနိုင်ခဲသောအမှုကို တုံ့ပြန်ကျေးဇူး ပေးဆပ်တဲ့အနေနဲ့ ဆဒ္ဒန်အိုင်အနီးက သင်္ခန်းကျောင်း ငယ်ကလေးမှာပဲ အရှင်ကောဏ္ဍညမထေရ်ဟာ ပရိနိဗ္ဗာန် ဝင်စံချုပ်ငြိမ်းတော်မူခဲ့ပါတယ်။ လူသူမနီးတဲ့ ဟိမဝန္တာတောကြီးထဲမှာ ဆင်ပေါင်းရှစ်ထောင်နဲ့တကွ နတ်, သိကြား, ဗြဟ္မာ ပရိတ်သတ်တွေက ကြီးကျယ်ခမ်းနားစွာ ပူဇော်ကြပြီး ရဟန်းတော်ပေါင်း ၅၀၀ ဟာလည်း ကောင်းကင်ခရီးနဲ့ ကြွလာတော်မူကာ တစ်ညဥ့်လုံး တရားတော်များနဲ့ ရွတ်ဖတ်ပူဇော်ကြ ပါတယ်။

အရှင်အညာသိ ကောဏ္ဍညမထေရ်ရဲ့ သာဓုကီဠန ပူဇော်ပွဲသဘင်မှာ အရှင်အနုရုဒ္ဓါမထေရ် တရားဟောတော်မူလို့ နတ်ဗြဟ္မာ အများအပြား ကျွတ်တမ်းဝင်ကြပါတယ်။

အရှင်အညာသိကောဏ္ဍညရဲ့ ဓာတ်တော်များကို ရဟန်းတော်တွေဟာ ရေစစ်နဲ့ အပြည့်ယူ ယူဆောင်တော်မူလာခဲ့ပြီး ဝေဠုဝန်ကျောင်းတိုက် တံခါးမုခ်က အသင့်စောင့်ကြို နေတော်မူတဲ့ မြတ်စွာဘုရားရှင်ရဲ့ လက်တော်သို့ အပ်နှင်းတော်မူကြပါတယ်။ ရှင်တော်ဘုရားဟာ ဓာတ်တော် ထည့်ထားတဲ့ ရေစစ်ကို လက်တော်နဲ့ကိုင်တော်မူပြီး သံဝေဂတရားစကား ဟောကြားတော်မူကာ မဟာပထဝီမြေကြီးဆီ လက်ဆန့်တန်းတော်မူလိုက်ပါတယ်။ အဲဒီခဏမှာပဲ မြေကြီးထဲက ငွေခရုသဏ္ဍန် စေတီကြီးတစ်ဆူ ပေါ်ထွက် တော်မူလာ ခဲ့ပါတယ်။ ရှင်တော်ဘုရား ကိုယ်တိုင် အရှင်အညာသိကောဏ္ဍညရဲ့ ဓာတ်တော်တွေကို အဲဒီစေတီတော်ထဲမှာပဲ ထည့်သွင်း ဌာပနာ တော်မူလိုက်ပါတယ်။

ဒါဟာ လွန်ခဲ့တဲ့ ကမ္ဘာတစ်သိန်းကာလက ပဒုမတ္တရ မြတ်စွာဘုရားရဲ့ ခြေတော်ရင်းမှာ ဆုပန်တော်မူခဲ့ပြီး ဂေါတမ မြတ်စွာဘုရားရှင်ရဲ့ သာသနာတော်မှာ သစ္စာလေးပါးတရားကို ထိုးထွင်း၍ သိသူတွေထဲမှာ အဦးဆုံးအမြတ်ဆုံးဖြစ်ကာ သာဝကရဟန်းတော်တွေထဲမှာ ဝါအကြီးဆုံးဆိုတဲ့ “ရတ္တညူဧတဒဂ်ဘွဲ့ထူး” ကို ဆွတ်ခူးတော်မူနိုင်ခဲ့တဲ့ အရှင်အညာသိ ကောဏ္ဍညရဲ့ ပါရမီခရီး အောင်မြင်စွာ ပြီးစီးသွားခြင်း အထိမ်းအမှတ်တစ်ခုပဲ ဖြစ်ပါတယ်။

သူတော်ကောင်းနှလုံးသားနဲ့ ရှင်သန်ရတာဟာ ဘဝမှာ အင်မတန်မင်္ဂလာရှိပါတယ်။ သူတော်ကောင်းနှလုံးသား ရှိနေသူတွေအဖို့ ခန္ဓာဝန်ပဲဖြစ်ဖြစ်၊ လူမှုဝန်ပဲဖြစ်ဖြစ် လောကဝန်ပဲ ဖြစ်ဖြစ် ထမ်းရွက်သမျှ အမှုကိစ္စတိုင်းဟာ အများအတွက် အကျိုးစီးပွား ဖြစ်ထွန်းရုံ သာမက မိမိအတွက်လည်း အလွန်ကျေနပ် ကြည်နှုးဖွယ် ကောင်းပါသည်။

အရှင်အညာသိကောဏ္ဍညရဲ့ သူတော်ကောင်းနှလုံးသားကို ကြည်ညိုသဒ္ဓါပွားခွင့် ရတာဟာ ပဋ္ဌာန်းဒေသနာတော်ထဲက “နတ္ထိပစ္စည်း“ ကိုသတိရအောက့်မေ့ဖွယ် ဖြစ်စေပါသည်။ နတ္ထိပစ္စည်းဆိုတာ တစ်စုံတစ်ရာ မရှိတော့ခြင်းကြောင့် နောက်ထပ်တစ်စုံတစ်ရာ အကျိုးကျေးဇူး ဖြစ်ထွန်း ပေါ်ပေါက်လာခြင်းကို ဆိုလိုတာပါ။ အနောက်အရပ်မှ နေဝန်းကြီး ကွယ်ပျောက် သွားတဲ့အခါ အရှေ့အရပ်မှာ လမင်းကြီး ထွက်ပေါ်လာတာမျိုး ဖြစ်ပါတယ်။ ယခုလည်းပဲ အရှင်အညာသိ ကောဏ္ဍညဟာ သံဃာပရိသတ်ထဲမှာ မိမိရှိနေခြင်းကြောင့် အဂ္ဂသာဝက နှစ်ပါး အတွက် အနေကြုံကာ မလွတ်မလပ်ဖြစ်နေတဲ့ အခက်အခဲကို သံဃာ ပရိသတ်ထဲမှာ မိမိမရှိအောင် စီမံခြင်းဖြင့် အဂ္ဂသာဝကနှစ်ပါးအတွက် လွတ်လပ်ချမ်းသာစွာ နေထိုင်ရမှုကို ဖန်တီး ပေးသွားတော်မူပါတယ်။ ဒါဟာ နတ္ထိပစ္စည်းနဲ့ အရှင်အညာသိ ကောဏ္ဍညက အဂ္ဂသာဝက နှစ်ပါးကို ကျေးဇူးပြုသွားခြင်း ဖြစ်ပါတယ်။

အရှင်အညာသိကောဏ္ဍညဟာ အနတ္တလက္ခဏသုတ္တန် တရားနဲ့ ရဟန္တာဖြစ်တော်မူခဲ့သူပီပီ အများ အကျိုး စီးပွားကိစ္စတွေမှာ မိမိအတ္တကိုဖယ်ရှားပြီး သူတစ်ပါးအတ္တကို ရှေ့တန်းတင် နေရာပေး လေးစားနိုင်ဖို့ ပုထုဇဉ်လောကကို စံနမူနာပြသွားခြင်းလည်း ဖြစ်ပါတယ်။

ကြီးသူကို ရိုသေ၊ ရွယ်တူကို လေးစား၊ ငယ်သူကို သနားကြင်နာတတ်တဲ့ သူတော်ကောင်း လောကမှာ ကိုယ်ကျိုးစွန့် အနစ်နာခံခြင်းဟာ သဘောတံထွာ ဓမ္မတာတစ်ခု ဖြစ်ပေမယ့် ကိုယ်ကျိုး စီးပွားအတွက်ဆို နေရာရအောင် အရင်ဦးယူတတ်တဲ့ သာမန်ပုထုဇဉ်လောက မှာတော့ အင်မတန်ပြုနိုင်ခဲတဲ့ အမှုကိစ္စကြီးတစ်ခု ဖြစ်ပါတယ်။ တကယ်တော့ နေရာကောင်း ဆိုတာ အများချမ်းသာအောင် ဆောင်ရွက်နိုင်မှသာ ရယူထိုက်တဲ့ အရာတစ်ခုဖြစ်ပါတယ်။ ကိုယ့်နေရာ ကိုယ့်အတ္တကိုစွန့်ပြီး အများအကျိုး၊ လောကအကျိုး၊ သာသနာတော်အကျိုးကို စွမ်းစွမ်းတမံ ဆောင်ရွက်နေသူတိုင်းကို ဒီဆောင်းပါးနဲ့ ဦးညွတ်ဂုဏ်ပြုလိုက်ပါတယ်။

ကျမ်းကိုး

၁။ အပဒါန်အဋ္ဌကတာ ( ပထမတွဲ )

၂။ အဂုင်္တ္တိုအဋ္ဌကထာ ( ပထမတွဲ )

၃။ မဟာဗုဒ္ဓဝင် ( ဆဋ္ဌမတွဲ )

Leave a Reply